Rusiyaya qarşı yeni sanksiyalar qoyulub

"Məqsəd Aİ sanksiyalarının dolanması problemini həll etmək, Putinin kölgə donanmasını və Rusiyanın hərbi-sənaye kompleksini zəiflətməkdir", -  məlumatda bildirilib. 

Sanksiyalar siyahısına 54 fiziki və 30 hüquqi şəxs daxil edilib. Onların arasında Kiyevdəki "Oxmatdet” uşaq xəstəxanasına hücumda məsuliyyət daşıyan hərbi bölmələr, enerji şirkətlərinin yüksək vəzifəli menecerləri, Şimali Koreyadan iki yüksək vəzifəli məmur var. Həmçinin, Rusiyanın hərbi-sənaye müəssisələri və kölgə donanması ilə əlaqəli gəmiçilik şirkətləri sanksiyalara məruz qalıb. Sanksiyalar siyahısına üçüncü ölkələrdən olan və Rusiya neftini daşıyan 52 tanker daxil edilib.

 

Bundan əlavə, Çindən, Hindistandan, İrandan, Serbiyadan və Birləşmiş Ərəb Əmirliklərindən olan 32 şirkətə Rusiyaya ikili təyinatlı mallar tədarük etdiyi üçün məhdudiyyətlər tətbiq olunub.

Məlumatda qeyd olunub ki, Avropa İttifaqı ilk dəfə olaraq Çin oyunçularına tam sanksiyalar (səyahət qadağası, aktivlərin dondurulması və iqtisadi resurslardan istifadə qadağası) tətbiq edib.

Müvafiq hüquqi aktlar Avropa İttifaqının "Rəsmi Jurnal"ında dərc edildikdən sonra qüvvəyə minəcək.