Suriyanın yeni lideri İsrailə mesaj göndərib

Onun sözlərinə görə, İsrail qərbi Suriyada müxalif qüvvələrin Dəməşqə hücumu zamanı nəzarətə aldığı əraziləri tərk etməlidir.

"İsrail bu addımı ‘Hizbullah’ və İran dəstələrinin varlığı ilə izah edirdi, lakin bu artıq aktual deyil,” – əş-Şəraa bildirib.

"Biz 1974-cü il qüvvələrin ayrılması sazişinə sadiqik və BMT [müşahidəçilərinin] geri dönməsinə hazırıq. Biz nə İsraillə, nə də başqa heç kimlə münaqişə istəmirik və Suriyanın hücumlar üçün dayaq nöqtəsi kimi istifadə edilməsinə icazə verməyəcəyik. Suriyalılara sülh lazımdır, hücumlar dayanmalıdır, İsrail əvvəlki mövqelərinə geri çəkilməlidir,” – o əlavə edib.

The Times yazır ki, əş-Şəraa Rusiya-Suriya münasibətlərinə toxunmayıb, lakin onun köməkçisi Rusiyanın ölkədəki hərbi bazalarını saxlamaq üçün aparılan danışıqları xatırladıb.

Suriyanın yeni lideri həmçinin Dəməşqə tətbiq edilən sanksiyaların ləğv olunması və ölkəni tərk etmiş sakinlərin geri qayıtması üçün şəraitin yaradılmasının zəruriliyini vurğulayıb.

"Suriyanın olduqca mühüm geostrateji əhəmiyyəti var. Onlar [Qərb ölkələri] həm qatilə, həm də qurbana tətbiq olunan bütün məhdudiyyətləri ləğv etməlidirlər. Qatil artıq yoxdur. Bu məsələ müzakirə predmeti deyil,” –  əş-Şəraa bildirib və bəzi ölkələrin terror təşkilatları siyahısına daxil etdiyi "Heyət Təhrir əş-Şam”ın bu siyahıdan çıxarılmasını gözlədiyini əlavə edib.