Suriyadakı hadisələrdən nəticə çıxarmaq hələ tezdir - İran naziri
26.12.2024 16:20
Suriyadakı hadisələrlə bağlı nəticə çıxarmaq hələ tezdir. Bunu İranın xarici işlər naziri Abbas Əraqçi deyib.
"İndi Suriyada bu ölkənin gələcəyinə təsir edən bir çox mühüm amillər var. Məncə, vəziyyəti qiymətləndirmək hələ tezdir", - ISNA agentliyi məlumat yayıb.
Noyabrın 27-də silahlı müxalifət qrupları Hələb və İdlib əyalətlərində Suriya ordusunun mövqelərinə qarşı genişmiqyaslı hücuma keçib. Dekabrın 7-də axşam onlar Hələb, Həma, Dəra və Homsu ələ keçirdilər, dekabrın 8-də isə Suriya hökumət qüvvələrinin bölmələri tərəfindən tərk edilmiş Dəməşqə daxil oldular. Bəşər Əsəd Suriya prezidenti vəzifəsindən istefa verib və ölkəni tərk edib. Dekabrın 10-da 2024-cü ilin yanvarından İdlib əyalətində müxalifətin yaratdığı qondarma Qurtuluş Hökumətinə başçılıq edən Məhəmməd əl-Bəşir 2025-ci il martın 1-dək davam edəcək keçid dövrü üçün Suriya hökumətinin başçısı təyin olunduğunu açıqlayıb.
Aytac
www.anews.az
Oxşar xəbərlər
Oxşar xəbərlər
Foto 
Video 
