Sui-qəsd cəhdi zamanı Trampı qoruyan agent yeni məxfi xidmət rəisi təyin olunub

"Mən Şon Kurranı Birləşmiş Ştatların Məxfi Xidmətinin növbəti direktoru təyin etməkdən şərəf duyuram",- o bildirib.

Trampın sözlərinə görə, Curranın 2001-ci ildə ABŞ Məxfi Xidmətindən başlayaraq hüquq-mühafizə orqanlarında 23 illik təcrübəsi olub.

 

"O, Pensilvaniya ştatının Butler şəhərində mənim həyatımı sui-qəsd gülləsindən xilas etmək üçün öz həyatını riskə ataraq qorxmazlığını sübut etdi. Mən əminəm ki, Şon Birləşmiş Ştatların Məxfi Xidmətini həmişəkindən daha güclü edəcək", - prezident deyib.

2024-cü il iyulun 13-də Tramp Butlerdəki seçki kampaniyası mitinqində güllələnib. O, yüngül yaralanıb, qulağı sıyrılıb. Atəş açan 20 yaşlı amerikalı Tomas Metyu Kruks Məxfi Xidmət əməkdaşları tərəfindən öldürülüb. Sui-qəsd cəhdindən sonra Kimberli Çitl xidmətin direktoru vəzifəsindən istefa verib.