Tehranda hava çirkliliyi səbəbilə məktəblərdə tətil elan olunub

İranın paytaxtı Tehranda yüksək hava çirkliliyi səbəbindən məktəblər bağlanıb.
 
Tehran valiliyinin verdiyi açıqlamaya görə, yüksək hava çirkliliyinin davam etməsi səbəbilə Dəmavənd və Firuzkuh bölgələri, həmçinin universitetlər istisna olmaqla, bütün təhsil müəssisələrində tətil elan edilib.Təlimin distant şəkildə aparılacağı bildirilib.
 
Tehran Hava Keyfiyyətinin Ölçmə Qurumunun apardığı ölçmələrə görə, bu gün Tehranda havanın çirkliliyi 150 mikroqram/kubmetr səviyyəsində olub.
 
Sabah Tehranın yaxınlığındakı Əlborz vilayətində də məktəblərin bağlanacağı bildirilib.
 
Havanın dövranı üçün uyğun olmayan coğrafi relyef, əhalinin sıxlığı və istifadə olunan yanacağın keyfiyyətsizliyi Tehranda havanın çirklənməsini artıran amillərdəndir.

www.anews.az