Ölkədə pərakəndə ticarət dövriyyəsi artıb

2025-ci ilin yanvarında Azərbaycanda pərakəndə ticarət şəbəkəsində istehlakçılara 4,8 milyard manatlıq, o cümlədən 2,6 milyard manatlıq ərzaq məhsulları, içkilər və tütün məmulatları, 2,2 milyard manatlıq qeyri-ərzaq malları satılıb. Bu barədə  Dövlət Statistika Komitəsinə istinadən xəbər verir ki, 2024-cü ilin yanvar ayı ilə müqayisədə pərakəndə ticarət dövriyyəsi real ifadədə 3,7 %, o cümlədən ərzaq məhsulları, içkilər və tütün məmulatları üzrə 1,8 %, qeyri-ərzaq malları üzrə 6,1 % artıb.

Ötən ay alıcıların pərakəndə ticarət şəbəkəsində aldıqları mallara xərclədiyi vəsaitin 49,7 %-i ərzaq məhsullarının, 4,7 %-i içkilər və tütün məmulatlarının, 14,5 %-i toxuculuq məhsulları, geyim və ayaqqabıların, 5,6 %-i avtomobil benzini və dizel yanacağının, 4,6 %-i elektrik malları və mebellərin, 2,3 %-i əczaçılıq məhsulları və tibbi ləvazimatların, 1,3 %-i kompüterlər, telekommunikasiya avadanlıqları və çap məhsullarının, 17,3 %-i isə digər qeyri-ərzaq mallarının alınmasına sərf olub.

2024-cü ildə bir ölkə sakini orta hesabla aylıq 278,8 manatlıq ərzaq, içkilər və tütün məmulatları alıb. Bu barədə Dövlət Statistika Komitəsindən bildirilib. 

Hesabat ilində həmçinin bir nəfərə orta hesab 229,2 manatlıq qeyri-ərzaq məhsulu alıb. 

Ümumilikdə pərakəndə ticarət dövrüyəsi üçün bir nəfərə orta hesabla 508 manat təşkil edib ki, bu da ötən ilin eyni dövrü ilə müqayisədə 23,8 manat çoxdur.

Aytac