Ölkədə qara kürü ixracı artıb

2024-cü ildə ölkədən milyon 242.5 min ABŞ dolları dəyərində 1200 kq nərə balığının kürüsü ixrac edilib. Bu da ötən ilin eyni dövrü ilə müqayisədə 655.3 min ABŞ dolları artıb.Bu barədə Dövlət Statistika Komitəsinin hesabatında bildirilib.

2023-cü ilin eyni dövründə 1 kq qara kürünün orta ixrac qiyməti 1760 manat təşkil edib.

Ötən il Çindən 2 milyon 148.2 min ABŞ dolları dəyərində 7160 kq qara kürü idxal edilib. 

Hesabat dövründə Azərbaycana gətirilən nərə balığı kürüsünün 100%-i Çindən idxal edilib.

Son illərdə Azərbaycanda qara kürü istehsal edən zavodlar yaradılıb. Bura "Azerbaijan Fish Farm”ı və "Nərəkənd” balıq yetişdirmə zavodunu nümuna göstərmək olar.
 
Azərbaycanda qara kürünün istehsalı üzrə ilk zavod 1954-cü ildə Neftçala rayonunda, Kür çayının dəhnəsinə yaradılıb.
 
"Azerbaijan Fish Farm” şirkətində hazırlanmış çökə balığından əldə olunan bir banka kürü 70 AZN-ə təklif olunur.

Aytac Zeynalova