İstanbul hava limanında uçuşlar ləğv edilib

İstanbulun Sabiha Gökçen hava limanı sinoptiklərin güclü qar xəbərdarlığından sonra cümə axşamı və cümə günləri planlaşdırılan daxili və beynəlxalq uçuşların 15%-ə qədərini ləğv edib. Bu barədə hava limanının məlumatında bildirilib.

Gözlənilən əlverişsiz hava şəraiti ilə əlaqədar fevralın 20-də uçuşların 10%-i, fevralın 21-də isə 15%-i ləğv ediləcək.

Bundan əvvəl türkiyəli sinoptiklər siklonun təsiri ilə İstanbulda 4 gün qar yağacağını və temperaturun kəskin şəkildə aşağı düşəcəyini bildirmişdilər.