Avropa Rusiyaya 16-cı sərt sanksiyanı tətbiq edib

Aİ-nin 27 ölkəsinin səfirləri Rusiyaya qarşı 16-cı sanksiyalar paketini təsdiqləyib. Bu barədə TASS mənbələrə istinadən məlumat yayıb.

Brüssel Rusiyaya qarşı növbəti sanksiyalar paketi çərçivəsində Rusiyadan ilkin alüminium idxalını qadağan edəcək.

Öz növbəsində Britaniyanın “Financial Times” qəzeti mənbələrə istinadən xəbər verir ki, Aİ-nin Rusiyaya qarşı 16-cı sanksiyalar paketinə 13 bank, o cümlədən əvvəllər daxil ediləndən “daha ​​çox” fiziki və hüquqi şəxslər daxil olacaq.

İqtisadiyyat üzrə Avropa komissarı Valdis Dombrovskis daha əvvəl qeyd edib ki, ABŞ-ın mümkün məhdudiyyətləri yumşaltması kontekstində Avropa İttifaqı Rusiyaya qarşı sanksiyalar məsələsini öz əlinə almalıdır.

Bundan əvvəl ABŞ dövlət katibi Marko Rubio bəyan etmişdi ki, Ukrayna münaqişəsi həll edildikdən sonra Qərb dövlətlərinin Rusiyaya qarşı tətbiq etdiyi bir sıra sanksiyalar ləğv edilə bilər. Rubio əlavə edib ki, digər ölkələr də oxşar qərarlar verə bilər.

Aytac