Ölkədə sosial sığorta haqları üzrə daxilolmalar artıb

2025-ci ilin iki ayında Azərbaycanda məcburi dövlət sosial sığorta haqları üzrə daxilolmalar 958,6 milyon manat olub, bu da ötən ilin müvafiq dövrü ilə müqayisədə 11,1 faiz və ya 96 milyon manatdan çoxdur .Bu barədə İqtisadiyyat Nazirliyi yanında Dövlət Vergi Xidmətindən bildirilib.

Qeyri-büdcə təşkilatları üzrə daxilolmalar ötən ilin eyni dövrü ilə müqayisədə 15 faiz artaraq 648,4 milyon manatdan çox təşkil edib.

İşsizlikdən sığorta haqları üzrə daxilolmalar 2024-cü ilin müvafiq dövrünə nisbətən 15,7 faiz artaraq 34,4 milyon manat olub. 

İcbari tibbi sığorta haqları üzrə daxilolmalar ötən ilin eyni dövrü ilə müqayisədə 11,6 faiz artaraq 171 milyon manata yaxın olub. 

2023-cü ildə Azərbaycanda sığorta üzrə yığımlar 1 milyon 929 min manat təşkil edib, bu da əvvəlki ilin eyni dövrü ilə müqayisədə 720 min manat çoxdur.
 
Hazırda ölkə üzrə 17 sığorta bazarı fəaliyyət göstərir.

Aytac