Azərbaycanda hava nəqliyyatı ilə yük və sərnişin daşımaları artıb

2025-ci ilin iki ayında Azərbaycanda hava nəqliyyatı ilə 581,4 min və ya 17,8% çox sərnişin daşınıb. Bu barədə  Dövlət Statistika Komitəsinin aylıq hesabatında dərc olunub.

Daşımaların 99,9%-i dövlət, 0,1%-i isə özəl müəssisələrə məxsus nəqliyyat vasitələri ilə həyata keçirilib.

Hesabat dövründə bu nəqliyyat növü ilə yükdaşıma 4,9% artaraq 66,2 min ton olub.

2040-cı ilə qədər hava nəqliyyatına tələbat ildə orta hesabla 3,4 % artacaq.  Bunu rəqəmsal inkişaf və nəqliyyat naziri Rəşad Nəbiyev  Bakıda keçirilən Ümumdünya Aeronaviqasiya Sammiti və Mülki Aviasiya Aeronaviqasiya Xidməti Təşkilatının (CANSO) 28-ci illik ümumi iclasında bildirib. bildirib.

 "Beynəlxalq Hava Nəqliyyatı Assosiasiyasının (IATA) "Global Air Transport Outlook" hesabatına əsasən, sənayenin 2050-ci ilə qədər sıfır emissiyaya nail olmaq öhdəliyi əlavə bir məsuliyyət yaradır. Bu amillərin yaratdığı əhəmiyyətli təzyiqləri nəzərə alaraq, dünya hava nəqliyyatının 90 %-nə nəzarət edən CANSO üzvləri davamlı, təhlükəsiz qlobal hava səyahətinin gələcəyi üçün təməl olan kollektiv təcrübə, birgə əməkdaşlıq səylərindən istifadə etməlidirlər", nazir vurğulayıb.

Aytac