Ölkədə problemli kreditlər artıb

2025-ci il martın 1-nə ölkədə vaxtı keçmiş kreditlərin məbləği 480.1 milyon manat olub, bu da əvvəlki ayla müqayisədə  5 milyon manat çoxdur. Bu barədə  Azərbaycan Mərkəzi Bankı məlumat yayıb.

Ölkədə problemli kreditlərin məbləği son 1 ildə isə 2.3% və ya 10.9 milyon manat artıb.

2024-cü ilin ilk 6 ayında Azərbaycanda vaxtı keçmiş kreditlərin məbləği keçən ilin eyni dövrü ilə müqayisədə 3,2% azalaraq 451,7 milyon manat təşkil edib.

Vaxtı keçmiş kreditlərin ümumi kredit portfelində xüsusi çəkisi 1,7 % təşkil edib. Bu nisbət iyunun 1-nə 1,8%, ilin əvvəlinə 1,8%, 2023-cü ilin iyulun 1-nə isə 2,3% olub.

Aytac