Lənkəranda avtomobil kanala aşıb, xəsarət alan var

Lənkəranda avtomobil kanala aşıb.

APA-nın verdiyi xəbərə görə, hadisə axşam saatlarında Lənkəran şəhərinin Səttarxan küçəsində qeydə alınıb.

Lənkəran şəhər sakini,1987-ci il təvəllüdlü Ülkər Əsədovanın idarə etdiyi "Chevrolet" markalı nəqliyyat vasitəsi idarəetməni itirərək yol kənarındakı suötürücü kanala aşıb.

Sürücü xəsarət alaraq Lənkəran Rayon mərkəzi xəstəxanasına hospitalizasiya olunub.

Faktla bağlı araşdırma aparılır.