UEFA Roma Papasını bir dəqiqəlik sükutla yad edəcək

UEFA Çempionlar Liqasının yarımfinal oyunlarından əvvəl vəfat etmiş Roma Papası Fransiskin xatirəsi bir dəqiqəlik sükutla anılacaq.

Bu barədə UEFA-nın mətbuat xidməti məlumat yayıb. Aprelin 29-da Londonda İngiltərənin “Arsenal” klubu Fransanın “PSJ” komandasını qəbul edəcək, aprelin 30-da isə “Barselona” doğma meydanda İtaliyanın “İnter”i ilə qarşılaşacaq.

Bundan başqa, qadınlar və gənclər arasında keçirilən Çempionlar Liqasının yarımfinal oyunlarından əvvəl də bir dəqiqəlik sükut mərasimi təşkil olunacaq.

Daha əvvəl İtaliya çempionatının 21 aprelə nəzərdə tutulan oyunları Papa Fransiskin vəfatı ilə əlaqədar 23 aprelə təxirə salınmışdı.