• $ 1.7
  • € 1.9961
  • ₽ 0.021425
  • ₺ 0.0419
  • £ 2.2937

Kəmaləddin Heydərov İordaniya Haşimilər Krallığına səfər edib - Video

Kəmaləddin Heydərov İordaniya Haşimilər Krallığına səfər edib - Video
29.04.2025 18:05

Fövqəladə hallar naziri general-polkovnik Kəmaləddin Heydərovun rəhbərlik etdiyi Nazirliyin nümayəndə heyəti İordaniya Haşimilər Krallığına rəsmi səfər edib.Bu barədə FHN-dən məlumat verilib.

Səfər çərçivəsində nazir Kəmaləddin Heydərov İordaniya Haşimilər Krallığının Təhlükəsizlik və Böhranların İdarə edilməsi üzrə Milli Mərkəzinin sədr müavini briqada generalı Hatem Odeh Al-Zoubi ilə görüşüb.

Yüksək qonaqpərvərliyə və səmimi görüşə görə təşəkkür edən nazir Azərbaycan ilə İordaniya arasında uzun illərə söykənən, qarşılıqlı hörmətə əsaslanan əməkdaşlıq münasibətləri çərçivəsində ötən ilin noyabr ayında Bakıda uğurla keçirilmiş BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) İordaniya Haşimilər Krallığının yüksək səviyyədə təmsil olunmasını və sessiyada fəal iştirakını xatırladıb.

Nazir Azərbaycanda fövqəladə hallarla mübarizə sahəsində görülən işlər barədə ətraflı məlumat verib, iki ölkənin uyğun qurumları arasında münasibətlərin inkişaf perspektivlərindən söz açıb. Qeyd edib ki, xüsusilə qlobal iqlim dəyişikliyi fonunda təbii fəlakətlərin və texnogen qəzaların geniş vüsət aldığı müasir dünyada fövqəladə hallarla səmərəli mübarizə məqsədilə qarşılıqlı təcrübə mübadiləsi, ən qabaqcıl texnologiya və yanaşmaların mənimsənilməsi mühüm əhəmiyyət kəsb edir. Bu çərçivədə, Azərbaycan və İordaniyanın fövqəladə hallarla mübarizəyə məsul qurumları arasında əlaqələrin inkişafı üçün yaxşı imkanlar mövcuddur.

Görüşdə İordaniya Haşimilər Krallığının Təhlükəsizlik və Böhranların İdarə edilməsi üzrə Milli Mərkəzinin sədr müavini briqada generalı Hatem Odeh Al-Zoubi Azərbaycan və İordaniya arasında mövcud dostluq və sıx əməkdaşlıq münasibətləri çərçivəsində belə səfərlərin və keçirilən görüşlərin hər iki ölkənin fövqəladə halların idarə olunmasına cavabdeh qurumları arasında qarşılıqlı faydalı əlaqələrin inkişafına xüsusi təkan verdiyini vurğulayıb. O, təmsil etdiyi qurumun fəaliyyət istiqamətləri barədə ətraflı məlumat verib, İordaniyada təbii və texnogen fövqəladə hadisələrlə mübarizə sahəsində görülən işlərdən danışıb.

Sonra “Azərbaycan Respublikası Hökuməti ilə İordaniya Haşimilər Krallığı Hökuməti arasında fəlakət və böhranların idarə edilməsi sahəsində əməkdaşlıq haqqında Saziş”in imzalanması mərasimi olub.

Daha sonra nazir Kəmaləddin Heydərov İordaniya Təhlükəsizlik və Böhranların İdarə edilməsi üzrə Milli Mərkəzinin fəaliyyəti ilə yerində tanış olub.

Azərbaycan fövqəladə hallar naziri Kəmaləddin Heydərov səfər çərçivəsində İordaniyanın daxili işlər naziri Mazen Əl-Faraya ilə görüşüb.

Görüşdə Azərbaycan və İordaniya dostluq münasibətləri çərçivəsində hər iki ölkənin uyğun qurumları arasında təbii və texnogen xarakterli fövqəladə halların qarşısının alınması və nəticələrinin aradan qaldırılması sahəsində əməkdaşlıq məsələləri geniş müzakirə edilib.

Bundan əlavə, səfər çərçivəsində nazir Kəmaləddin Heydərov İordaniya İctimai Təhlükəsizlik Baş İdarəsinin Mülki Müdafiə İdarəsinin rəisi briqada generalı Mohammad Mahmud Al-Omari ilə görüşüb.

Görüşdə iki ölkənin müvafiq qurumları arasında əlaqələrin inkişaf perspektivləri, müxtəlif fövqəladə hallarla, o cümlədən meşə yanğınları və daşqınlarla mübarizə məsələləri, iordaniyalı gənclərin Azərbaycan Fövqəladə Hallar Nazirliyinin Akademiyasında təhsil imkanları geniş müzakirə olunub, təqdimat edilib.

 

Oxşar xəbərlər
Oxşar xəbərlər
Milli Məclisin sədri Sahibə Qafarova Cenevrədə işgüzar səfərdədir
Siyasət 16:55
Milli Məclisin sədri Sahibə Qafarova Cenevrədə işgüzar səfərdədir
Azərbaycan Maldiv Respublikasını Müstəqillik Günü münasibətilə təbrik edib
Siyasət 15:37
Azərbaycan Maldiv Respublikasını Müstəqillik Günü münasibətilə təbrik edib
Ermənistanın konpensasiya ödəməsi müzakirə mövzusu deyil - Hacıyev
Siyasət 14:09
Ermənistanın konpensasiya ödəməsi müzakirə mövzusu deyil - Hacıyev
MN: Anomal istilərlə əlaqədar Azərbaycan Ordusunda bir sıra tədbirlər görülür
Siyasət 17:49
MN: Anomal istilərlə əlaqədar Azərbaycan Ordusunda bir sıra tədbirlər görülür
İsrail Azərbaycana su, dərman və peyk texnologiyası ilə dəstəyini artıracaq
Siyasət 14:50
İsrail Azərbaycana su, dərman və peyk texnologiyası ilə dəstəyini artıracaq
Bakıda yəhudilər özlərini Parisdən daha təhlükəsiz hiss edirlər - səfir
Siyasət 14:13
Bakıda yəhudilər özlərini Parisdən daha təhlükəsiz hiss edirlər - səfir
Nazirlər Kabineti sürücülər üçün Tədris Proqramını təsdiqləyib
Siyasət 12:55
Nazirlər Kabineti sürücülər üçün Tədris Proqramını təsdiqləyib
Kreml Qusmanı Bakıya simpatiyasına görə vəzifədən azad edib
Siyasət 07:48
Kreml Qusmanı Bakıya simpatiyasına görə vəzifədən azad edib
Prezident Əliyev Rusiyaya təyyarə qəzası ilə bağlı başsağlığı verib
Siyasət 18:24
Prezident Əliyev Rusiyaya təyyarə qəzası ilə bağlı başsağlığı verib
Anews TV

Rəsmi Youtube kanalımız

Abunə ol