Kadırov istefa vermək üçün müraciət edib

Çeçenistan lideri Ramzan Kadırov tutduğu vəzifədən azad edilməsini xahiş etdiyini bildirib. Bu barədə Chechnya Today xəbər agentliyi yazır.

“Mən özüm də vəzifəmdən azad olunmamı xahiş edirəm.  Ümid edirəm ki, xahişim dəstəklənəcək”, - respublika başçısı bildirib.

Lakin o, bu müraciəti konkret olaraq kimə ünvanladığını açıqlamayıb.

Söhbət zamanı Kadırov mümkün varis haqqında da danışıb. O, Çeçenistanın növbəti rəhbərinin öz baxışına malik olacağına və regionun inkişafı üçün yeni təşəbbüslər irəli sürəcəyinə əmin olduğunu bildirib.

Aprelda Ramzan Kadırovun yetkinlik yaşına çatmayan oğlu Adam Kadırov Çeçenistan Təhlükəsizlik Şurasının katibi vəzifəsinin icrasına başlayıb. Hakimiyyət bu məsələ ilə bağlı heç bir rəsmi açıqlama verməyib, lakin respublika rəhbərinin 17 yaşlı varisinin adı idarənin saytında və sosial şəbəkələrdə yer alıb. 

Gülnar