Ərdoğan Ankarada İraqın Baş naziri ilə regional və qlobal məsələləri müzakirə edəcə

Prezident Rəcəb Tayyib Ərdoğan mayın 8-də İraqın Baş naziri Məhəmməd Şiya əs-Sudanini Ankarada qəbul edəcək. Bu barədə Türkiyə Prezident Administrasiyası Kommunikasiya İdarəsinin rəhbəri Fəxrəddin Altun açıqlamasında bildirib.

Onun sözlərinə görə, İraqın Baş naziri yüksək səviyyəli heyətlə Türkiyəyə rəsmi səfər edəcək. Səfər çərçivəsində Türkiyə-İraq əlaqələri ilə yanaşı, aktual regional və qlobal məsələlər müzakirə olunacaq.

F.Altun qeyd edib ki, səfər zamanı Türkiyə-İraq Yüksək Səviyyəli Strateji Əməkdaşlıq Şurasının iclası da keçiriləcək. Orada iki ölkə arasında müxtəlif sahələrdə əməkdaşlığa dair sənədlərin imzalanması nəzərdə tutulur.