Konklavın ilk səsverməsində yeni Roma Papası seçilməyib - Yenilənib

Vatikanda Konklavın ilk səsverməsində yeni Roma Papası seçilməyib.

Sistina Kapellasının bacasından çıxan qara tüstü bunu təsdiqləyib.

Bu o deməkdir ki, 133 kardinaldan ibarət Konklav üzvləri ilk səsvermə zamanı yekdil qərara gələ bilməyiblər və Papa seçkisi prosesi davam edəcək.Yeni Papa seçilənədək gündə maksimum dörd səsvermə keçiriləcək.

Yeni Papa seçildikdə Sistina Kapellasının bacasından ənənəvi olaraq ağ tüstü çıxacaq.

Bu proses Konklavın yekdil qərar qəbul etdiyini simvolizə edir.

21:00

Yeni Roma Papasını seçəcək konklav (Papanın seçilməsi məqsədilə toplanan kardinallar yığıncağı) Vatikanın Sikstin kapellasında başlayıb.Bu barədə “Reuters” agentliyi məlumat yayıb.

Papa məhkəməsinin baş mərasim ustası kapellanın qapıları bağlanmadan əvvəl "Hamı çölə!" sözlərini söyləyib. Bu ifadə konklavın rəsmi olaraq başladığını və kənar şəxslərin zaldan çıxmalı olduqlarını bildirir.

Qapıların bağlanmasından sonra kardinallar yeni Papanı seçmək üçün müzakirələrə başlayacaqlar.

Roma Papası Fransisk aprelin 21-də 88 yaşında dünyasını dəyişib.