Şabranda avtomobil ağaca çırpılıb, iki qardaş ölüb

Şabran rayonunda iki nəfərin ölümü ilə nəticələnən yol qəzası olub.

"Report"un məlumatına görə, Gəndob-Yalama avtomobil yolunun Şabran rayonu Şahnəzərli kəndi ərazisindən keçən hissəsində yol-nəqliyyat hadisəsi baş verib.

Hərəkətdə olan "VAZ-21015" markalı minik avtomobilinin ağaca çırpılması nəticəsində Şabran rayonu Gəndob kənd sakinləri, Elməddin və Əmrəli Fərzəliyevlər ölüblər. 

Hadisə ilə bağlı araşdırma aparılır.