İran heç vaxt nüvə silahı yaratmağa çalışmayıb - İran prezidenti

İran İslam Respublikası heç vaxt nüvə silahı yaratmağa çalışmayıb, buna cəhd göstərmir və çalışmayacaq. Bunu İran prezidenti Məsud Pezeşkian bəyan edib. 

“Biz danışıqlar aparırıq, çünki sülh istəyirik, lakin İranın bütün nüvə obyektlərindən tamamilə imtina etmək təklifi bizim üçün qəbuledilməzdir. İran heç vaxt nüvə silahı inkişaf etdirməyib və inkişaf etdirmir, dini səbəblərə görə bu cür inkişafı rədd edir.
Lakin nüvə texnologiyaları və alimlərimizin dinc nüvə enerjisi sahəsində əldə etdiyi nailiyyətlər müxtəlif sahələrdə, o cümlədən tibb və əczaçılıq istehsalı, kənd təsərrüfatı, ekologiya və sənayedə istifadə olunur. Biz dinc nüvə fəaliyyətimizi qətiyyətlə davam etdirəcəyik", - İran prezidenti izah edib.

Aytac