Azərbaycanda heç kimi zorla əməyə cəlb etmək mümkün deyil - Mübariz Qurbanlı

Azərbaycanda insanları məcburi əməyə cəlb etmək ən aşağı səviyyədədir. Bunu Milli Məclisin deputatı Mübariz Qurbanlı deyib. 

"Bizim ölkədə məcburi əməyə cəlb etmək və ya zorakı əməyə cəlbetmə  ən aşağı səviyyədədir. Azərbaycanın 10 milyon əhalisi var, kimi əməyə zorla cəlb edə bilərsən? Bu cür hallar miqrantları çox olan ölkələrdə baş verə bilər. Miqrantları zəncirləyib işlədən ölkələr var. Quldarlıq dünyada ləğv olunsa da qeyri rəsmi şəkildə hələ də qalır", - deputat İnsan alverinə qarşı mübarizə üzrə Milli Koordinatorun illik məlumatının parlamentdə müzakirəsi zamanı deyib.

Deputat vurğulayıb ki, Azərbaycanda bu istiqamətdə qanunvericilik, maarifləndirmə, QHT və medianin rolu kifayət qədər yüksəkdir. 

Gülnar Nazimqızı