Mərakeş Dəməşqdəki səfirliyini bərpa etmək niyyətindədir

Mərakeş kralı VI Məhəmməd krallığın Suriyada səfirliyini yenidən açmaq niyyətində olduğunu açıqlayıb.Bu barədə “Al Arabiya” məlumat yayıb.

Məlumata görə, monarx bu qərarını Suriyanın keçid dövrü prezidenti Əhməd əş-Şaraaya ünvanladığı məktubda bildirib. Məktubu Bağdadda keçirilən Ərəb Dövlətləri Liqasının sammitində Mərakeşin xarici işlər naziri Nasser Burita oxuyub.

Bundan başqa, Burita sammit çərçivəsində Suriya xarici işlər naziri Asaad Əş-Şibani ilə görüşüb. Tərəflər Mərakeş və Suriya arasında diplomatik əlaqələrin bərpası barədə razılığa gəliblər.

Rabat 2012-ci ildə Suriyada silahlı münaqişənin başlamasından sonra Dəməşqlə diplomatik əlaqələrini kəsmişdi.