Tramp Baydenə şəfa arzulayıb

ABŞ-ın keçmiş prezidenti Donald Tramp prostat xərçəngi diaqnozu qoyulan Co Baydenə dəstək ifadə edib. Bu barədə o, bazar günü özünün Truth Social sosial platformasında paylaşdığı mesajda yazıb.

“Məlaniya ilə birgə Co Baydenin son tibbi diaqnozunu eşidəndə kədərləndik. Jill və bütün ailəsinə ən xoş arzularımızı çatdırır, Co’ya tezliklə tam sağalma diləyirik”, -  Tramp bildirib.

Bundan öncə The New York Times qəzetinin Baydenin sözçüsünə istinadla yaydığı məlumata görə, keçmiş prezidentə prostat xərçənginin aqressiv forması diaqnozu qoyulub.

Həkimlər kiçik bir şiş aşkarlayıb. Xəstəliyin daha aqressiv forması olsa da, hormonlara həssas olduğu və bu səbəbdən effektiv müalicə oluna biləcəyi bildirilib.

“Prezident və ailəsi həkimlərlə birlikdə müalicə variantlarını nəzərdən keçirirlər,” —  məlumatda qeyd olunub.

N.Təbrizli