Çin telekommunikasiya peykini orbitə çıxarıb

Çinin “Çançjen 7A” (“Long March 7A”) raket daşıyıcısı “ChinaSat-3B” rabitə peykini orbitə çıxarıb.Bu barədə “People's Daily” qəzeti məlumat yayıb.

Qeyd olunur ki, ikimərhələli raketin buraxılışı Çinin cənubundakı Haynan adasındakı Vençan kosmodromundan həyata keçirilib.

Nəşrin məlumatına görə, “China Satcom” şirkətinin Ku-diapazonlu geostasionar rabitə peyki təyin olunmuş orbitə uğurla daxil olub. O, oxşar cihazların orbital qrupuna qoşulacaq. Peyk istifadəçilərə telefon xidmətləri, rəqəmsal məlumatların və televiziya və radio stansiyalarından siqnalların ötürülməsi üçün nəzərdə tutulub.