Rusiyanın Quru Qoşunlarına yeni baş komandan təyin olunub

General-polkovnik Andrey Mordviçev Rusiya Silahlı Qüvvələrinin Quru Qoşunlarının baş komandanı təyin edilib, “Krasnaya Zvezda” qəzeti xəbər verir.

Müdafiə naziri Andrey Belousov ona baş komandanın rəsmi bayrağını təqdim edib.

Mordviçev daha əvvəl Mərkəzi Hərbi Dairəyə və “Mərkəz” qoşun qruplaşmasına rəhbərlik edib. O, 2021–2022-ci illərdə Cənub Hərbi Dairəsinin 8-ci ümumqoşun ordusunun komandanı olub.

2022-ci ilin yazında Mariupolun ələ keçirilməsi və “Azovstal” zavoduna hücum zamanı Rusiya qüvvələrinə rəhbərlik edib. Həmin əməliyyatda sığınacaq axtaran ukraynalı hərbçilər və mülki şəxslər hədəf alınıb. KİV məlumatlarına görə, Mordviçevin rəhbərlik etdiyi ordu mümkün müharibə cinayətlərinə görə ittiham olunur.

Öncəki baş komandan, ordu generalı Oleg Salyukov Təhlükəsizlik Şurası sədrinin müavini təyin olunub.

N.Təbrizli