Harvarda beynəlxalq tələbələrin qəbulu qadağan edilib

ABŞ prezidenti Donald Trampın administrasiyası Harvard Universitetinə əcnəbi tələbələrin qəbulunu qadağan edib.Bu barədə idarənin rəhbəri Kristi Noem məlumat verib.

“Sizə məlumat verirəm ki, Harvard Universitetinin beynəlxalq tələbə və akademik mübadilə proqramının lisenziyası ləğv edilib”,- məlumatda bildirilir.

“NYT”nin mənbələri qərarın Harvardda son aylarda aparılan araşdırmanın bir hissəsi olduğunu bildirib.

Noem vurğulayıb ki, bütün beynəlxalq tələbələr mövcud statuslarını saxlamaq üçün başqa universitetlərə köçməlidirlər.

Bundan əvvəl ABŞ-nin təhsil naziri Linda Makmahon Harvarda məktub göndərərək universitetin bundan sonra dövlətdən maliyyə almayacağını bildirmişdi. O, həmçinin universiteti sistematik olaraq federal qanunları pozmaqda və 2023-cü ildə Ali Məhkəmənin qəbul zamanı irqi ayrı-seçkilikdən istifadəsini ləğv edən qərarına məhəl qoymamaqda ittiham edib.