Rusiyanın daha üç hava limanında müvəqqəti məhdudiyyətlər tətbiq edilib

Nijni Novqorod (Strigino), Saratov (Qaqarin) və Tambov (Donskoye) hava limanlarında mülki təyyarələrin gəliş-gedişinə müvəqqəti məhdudiyyətlər tətbiq edilib. Bu barədə Rosaviasiyanın mətbuat katibi Artem Korenyako öz Telegram kanalında məlumat verib.

Bəyanatda deyilir ki, məhdudiyyətlər “uçuşların təhlükəsizliyini təmin etmək üçün” tətbiq edilib.

Mayın 27-də təxminən saat 01:30-da Kaluqa hava limanında müvəqqəti məhdudiyyətlər tətbiq edilib .

Mayın 25 və 26-da Vnukovo, Domodedovo və Jukovski hava limanlarında qüvvədə olan müvəqqəti məhdudiyyətlər səbəbindən 32 təyyarə alternativ aerodromlara yönləndirilib. Federal Hava Nəqliyyatı Agentliyinin nümayəndəsinin sözlərinə görə, gecikmələrə baxmayaraq, hava limanlarında vəziyyət sakitdir və böyük sərnişin sıxlığı müşahidə edilmir. O əlavə edib ki, məhdudiyyətlər altında mülki aviasiyanın işi Nəqliyyat Nazirliyi və Federal Hava Nəqliyyatı Agentliyinin xüsusi nəzarəti altındadır.

Aytac