V,VI və VIII siniflər istisna hal kimi lisey və gimnaziyalara imtahan verəcək

Şagirdlərin lisey və gimnaziyalarda təhsil almağa böyük maraqlarını və tədris ili boyunca imtahan prosesinə hazırlıqlarını nəzərə alınaraq 2025-2026-cı tədris ilində istisna olaraq V, VI və VIII siniflər üzrə də qəbul prosesi həyata keçiriləcək. Bu barədə Təhsil İnstitutu məlumat yayıb. 

Bir neçə gün öncə  İnstitutun yaydığı açıqlamada 2025-2026-cı tədris ili üzrə Bakı şəhəri və ölkənin müxtəlif bölgələrində yerləşən, şagird qəbulu mərkəzləşdirilmiş imtahanla həyata keçirilən bir sıra lisey və gimnaziyaların 7-ci siniflərinə qəbul prosesinə start verildiyi qeyd olunub.

Bu açıqlamadan sonra bu il ərzində liseylərə hazırlaşan uşaqların valideynləri bu qərara etiraz edib.