Azərbaycanda icra olunmayan 1 milyon 200 min qərar var - Zahid Oruc

Azərbaycanda icra olunmayan 1 milyon 200 min qərar var. Bunu Milli Məclisin deputatı Zahid Oruc deyib. 

“Bu rəqəm kifayət qədər böyükdür. Qərarların dövlət adından çıxarıldığını nəzərə aldığımızıda bu həm də dövlətə münasibəti formalaşdırır. 2024-cü ildə məhkəmə qəarlarının icra qurumunun sərəncamına daxil olan işlərin sayı əvvəlki ildən müqayisədə 80 min artaraq 387 min olub. Bunların içərisində əsas üstünlüyü təminatsız kreditlər təşkil edib. Girov qoymaq imkanı olmayan, gəlirləri göstərməsi mümkün olmayan bu cür kreditləri bank sistemimiz cəmiyyətə ötürür və ordan da icra olunmayan qərarlar halında çoxluq təşkil edir. Bank sistemi bu problemin qarşısını almasa məhkəmə sistemindəki icraçıların sayını artırsaq da problemi köklü həll etmək mümkün olmayacaq. Azərbaycanda təminatsız kredit məsələsini həyatımızdan çıxartmaq lazımdır. Bu da bir kredit pandemiyasıdır”, - deputat mayın 30-da Milli Məclisdə çıxışı zamanı bildirib.

Gülnar Nazimqızı