Alimlər müasir nəsillər üçün demans riski ilə bağlı gözlənilməz nəticələrə gəliblər

Kvinslend Universitetinin avstraliyalı alimləri digər ölkələrdən olan həmkarları ilə birlikdə müəyyən ediblər ki, müasir nəsillərin sələfləri ilə müqayisədə qocalıqda demensiyaya tutulma riski daha azdır.

Bu xüsusilə qadınlarda nəzərə çarpır. Araşdırma Jama Network Open elmi jurnalında dərc olunub.

Nəticələr ABŞ , Böyük Britaniya və Avropadan olan 62 000-dən çox insanın iştirak etdiyi genişmiqyaslı layihənin məlumatlarına əsaslanır.

Alimlər müəyyən ediblər ki, 81-85 yaş qrupunda demensiya 1890-1913-cü illərdə doğulanlara (25,1%) nisbətən 1939-1943-cü illərdə (15,5%) doğulanlar arasında demək olar ki, iki dəfə az baş verir.

Mütəxəssislər müsbət dinamikanı səhiyyənin yaxşılaşdırılması, təhsilə əlçatanlığın artması, siqaret çəkmə nisbətinin azalması, ürək-damar xəstəlikləri və diabetin daha effektiv müalicəsi kimi amillərlə əlaqələndirirlər.

Tədqiqatçılar qadınlar arasında xüsusilə nəzərəçarpacaq irəliləyişi 20-ci əsrin ikinci yarısından başlayaraq onların təhsil imkanlarının genişlənməsi ilə əlaqələndiriblər.
Bununla belə, alimlər xəbərdarlıq edirlər ki, bu tendensiya yavaşlaya bilər, çünki demensiyanın qarşısının alınmasında bir çox əsas təkmilləşdirmələr artıq edilib. Bundan əlavə, yeni iqtisadi çağırışlar və ətraf mühit amilləri gələcək statistikaya təsir göstərə bilər.

Gülnar