Silahlı Qüvvələrinə Yardım Fondunun vəsaiti artıb

Azərbaycan Silahlı Qüvvələrinə Yardım Fonduna toplanan vəsaitin həcmində son 1 ildə 15 milyon 015 min manata (19 185 461 dollar) yaxın artım olub.

Bu barədə Müdafiə Nazirliyindən məlumat verilib.

1 yanvar 2014-cü il tarixinə Fondun manat hesabındakı vəsait 50 754 514 manat (15 010 168 manat artım), ABŞ valyutası ilə hesabındakı vəsait 211 791 dollar (6000 dollar artım), Avro hesabındakı vəsait 593 Avro təşkil edib. Rus rublu ilə hesaba isə vəsait daxil olmayıb.

Ümumilikdə, Silahlı Qüvvələrinə Yardım Fondunun toplam vəsaiti 64 milyon 926 min 139 ABŞ dollarına çatıb.

Qeyd edək ki, Silahlı Qüvvələrə Yardım Fondu Azərbaycan prezidentin 17 avqust 2002-ci il tarixli sərəncamı ilə yaradılıb. Sərəncama əsasən, Silahlı Qüvvələrə Yardım Fondu respublika ərazisində fəaliyyət göstərən fiziki və hüquqi şəxslərdən könüllü olaraq daxil olan vəsait və qanunvericiliklə qadağan olunmamış digər daxilolmalar hesabına formalaşır.

ANN.Az