• $ 1.7
  • € 1.9969
  • ₽ 0.021375
  • ₺ 0.0419
  • £ 2.2839

Şahdəniz qaz yatağının işlənməsində növbəti mərhələyə start verilib

Şahdəniz qaz yatağının işlənməsində növbəti mərhələyə start verilib
03.06.2025 11:52

Şahdəniz konsorsiumu çərşənbə axşamı Xəzər dənizinin Azərbaycan sektorunda yerləşən nəhəng Şahdəniz qaz yatağının inkişafının növbəti mərhələsi olan Şahdəniz Kompressiya (ŞDK) layihəsi üzrə yekun investisiya qərarı verib.

Şahdəniz layihəsində iştirak payları belədir: bp (operator – 29,99%), LUKOYL (19,99%), TPAO (19,00%), Cənub Qaz Dəhlizi (16,02%), NİKO (10,00%) və MVM (5,00%).

2,9 milyard ABŞ dolları dəyərində olan ŞDK layihəsi yatağın işlənməsinin əvvəlki iki mərhələsinin davamıdır. 

Layihə aşağı təzyiqli qaz ehtiyatlarının hasilatını artırmaq və ümumi resursların maksimum səviyyədə çıxarılmasını təmin etmək məqsədi daşıyır. 

Layihə təxminən 50 milyard kubmetr əlavə qaz və 25 milyon barrelə yaxın əlavə kondensat hasilatı və ixracına imkan verəcək.

Yekun investisiya qərarının imzalanması mərasimi Bakı Enerji Həftəsi çərçivəsində keçirilib.

“Şahdəniz Kompressiya layihəsi Azərbaycanın enerji tarixində yeni və mühüm bir mərhələdir. Bu, resursların uzunmüddətli işlənməsi, texnoloji inkişaf və beynəlxalq tərəfdaşlığa sadiqliyimizi göstərir. Layihə həm regionda enerji təhlükəsizliyini möhkəmləndirəcək, həm də yerli iqtisadiyyat və işçi qüvvə üçün yeni imkanlar yaradacaq.”, - SOCAR-ın prezidenti Rövşən Nəcəf bildirib.

Layihə çərçivəsində 85 metr dərinlikdə yerləşəcək, elektriklə işləyən və heyətsiz olacaq yeni kompressiya platforması (eNUI) quraşdırılacaq. 

Platforma Şahdəniz Alfa (ŞDA) və Şahdəniz Bravo (ŞDB) platformalarından hasil olunan qazın kompressiyası üçün əsas qurğu kimi xidmət edəcək və ixrac qazı Səngəçal terminalına göndərilməzdən əvvəl burada sıxılacaq.

Layihə, həmçinin, mövcud infrastrukturla əlaqəni təmin edəcək yeni sualtı boru kəmərləri və elektrik-şəbəkə kabel xətləri daxil olmaqla bir sıra köməkçi obyektlərin tikintisini nəzərdə tutur.

Tikinti işlərinin 2025-ci ilin sonlarında başlanması və 2029-cu ildə tamamlanması planlaşdırılır. İşlərin əsas hissəsi Azərbaycanda yerli resurslardan istifadə etməklə həyata keçiriləcək və təxminən 4,000 iş yeri yaradılacaq.

N.Təbrizli

Oxşar xəbərlər
Oxşar xəbərlər
Jurnalist olmaq istəyən abituriyentlərin nəzərinə!
Cəmiyyət 17:42
Jurnalist olmaq istəyən abituriyentlərin nəzərinə!
İsti hava şəraiti həftə sonunadək davam edəcək
Cəmiyyət 16:57
İsti hava şəraiti həftə sonunadək davam edəcək
İsrailin iki naziri Hollandiyada persona non-qrata elan edib
Cəmiyyət 16:48
İsrailin iki naziri Hollandiyada persona non-qrata elan edib
Bəzi abonentlər cəmi 4 saat su ilə təmin edilir - Rəsmi
Cəmiyyət 16:12
Bəzi abonentlər cəmi 4 saat su ilə təmin edilir - Rəsmi
Sabirabadın 9 kəndində qaz təchizatında müvəqqəti fasilə olacaq
Cəmiyyət 15:36
Sabirabadın 9 kəndində qaz təchizatında müvəqqəti fasilə olacaq
Kazinolarla bağlı dəyişikliklər təsdiqlənib
Cəmiyyət 14:59
Kazinolarla bağlı dəyişikliklər təsdiqlənib
Prezident süni torpaq sahələrində investisiya fəaliyyəti ilə bağlı dəyişikliyi təsdiqləyib
Cəmiyyət 14:46
Prezident süni torpaq sahələrində investisiya fəaliyyəti ilə bağlı dəyişikliyi təsdiqləyib
Bakı-Ələt-Qazax yolunda sürət həddi endirilir
Cəmiyyət 14:32
Bakı-Ələt-Qazax yolunda sürət həddi endirilir
Marga Wellness” və “Dreamland” məşhurları Bakıda bir araya gətirdi
Cəmiyyət 13:55
Marga Wellness” və “Dreamland” məşhurları Bakıda bir araya gətirdi
Anews TV

Rəsmi Youtube kanalımız

Abunə ol