Baş prokurordan yeni təyinatlar

Baş Prokuror Kamran Əliyevin əmri ilə Baş Prokurorluğun bir neçə struktur bölməsinə yeni rəhbər təyinatları həyata keçirilib. 

Məlumata görə, Natiq Abdullayev Dövlət Təhlükəsizliyi, Fövqəladə Hallar və Sərhəd Xidməti orqanlarında qanunların icrasına nəzarət idarəsinə, Fazil Həsənəliyev Elm-Tədris Mərkəzinə, Mahir Abbasov İstintaqa Nəzarət İdarəsinə, Ceyhun Kazımov Daxili İşlər orqanlarının istintaq fəaliyyətinə nəzarət idarəsinə, Talıb Cəfərov Kriminalistika və İT İdarəsinə, Erkin Əlixanov Ədliyyə, Gömrük və Vergi orqanlarına nəzarət idarəsinə, Səbuhi Əliyev isə Beynəlxalq Hüquqi Əməkdaşlıq İdarəsinə rəis təyin olunublar.

Təyin olunan şəxslər əvvəllər də prokurorluğun müxtəlif strukturlarında rəhbər vəzifələrdə çalışıblar.