Ermənistan MTX keşiş Baqrat Qalstanyanı saxlayıb

Ermənistan hakimiyyəti çərşənbə günü müxalifət lideri və din xadimi olan arxiyepiskop Baqrat Qalstanyanı hakimiyyətin zorla ələ keçirilməsinə dair planlar hazırlamaqda ittiham edərək həbs edib.

İstintaq Komitəsinin məlumatına görə, Qalstanyan və tərəfdarları terror aktları törətmək üçün zəruri vasitələr əldə edib, əsasən keçmiş hərbçilər və polis əməkdaşları olmaqla 1 000-dən çox şəxsi cəlb edərək yolları bağlamaq, zorakılığı qızışdırmaq, interneti kəsmək və hakimiyyəti devirmək niyyəti güdüblər.

Baş nazir Nikol Paşinyan Telegram-da bu planı “kriminal-oliqarx ruhani dairələrin qaranlıq niyyəti” adlandıraraq onun qarşısının alındığını bildirib.

Bu, son bir ayda ikinci yüksək səviyyəli müxalif fiqurun həbsi olub. Bundan əvvəl rus-erməni milyarderi Samvel Karapetyan hakimiyyəti zəbt etməyə çağırış etməkdə ittiham olunaraq saxlanılıb. Onun vəkilləri ittihamları rədd edir.

Qalstanyan 2024-cü ildə Azərbaycanın qələbəsindən sonra Paşinyanın istefası tələbilə keçirilən küçə etirazlarına rəhbərlik edib. Hakimiyyət çevriliş planının müzakirəsini əks etdirdiyi bildirilən audioyazıları dərc edib.

Kremlin sözçüsü Dmitri Peskov məsələni Ermənistanın daxili işi adlandırıb, lakin ölkədə sabitliyin qorunmasında maraqlı olduqlarını bildirib.

N.Təbrizli