Qalstanyan həbs edilib

İrəvan Ümumi Yurisdiksiya Məhkəməsi “Müqəddəs mübarizə” müxalifət hərəkatının lideri arxiyepiskop Baqrat Qalstanyanın barəsində iki aylıq həbs qətimkan tədbiri seçib. Bu barədə jurnalistlərə onun vəkili Hovhannes Xudoyan məlumat verib.

Xudoyan bildirib ki, müdafiə tərəfi qərardan Apellyasiya Məhkəməsinə şikayət vermək niyyətindədir.

Arxiyepiskop Baqrat Qalstanyan və onun tərəfdarları terror aktı törətmək və hakimiyyətin konstitusiyaya zidd yolla ələ keçirilməsinə cəhddə şübhəli bilinirlər.