60% müəllim imtahandan kəsilib - RƏSMİ

İyunun 20-də Azərbaycanda keçirilən təkrar müəllim sertifikatlaşdırma imtahanında iştirak edən 3338 müəllimdən yalnız 1328 nəfəri minimum keçid balını toplaya bilib, bu da iştirakçıların təxminən 40 faizini təşkil edir. Qalan 2006 müəllim isə uğursuz sayılıb. Bu barədə Elm və Təhsil Nazirliyindən bildirilib. 

İmtahana qatılmayan 334 müəllim də sertifikatlaşdırmadan keçməmiş hesab olunub.

İmtahan zamanı qayda pozuntularına yol verdiyi müəyyən edilən 4 nəfərin nəticələri ləğv edilib.

Sertifikatlaşdırma prosesində iştirak etməyən və ya minimum tələbləri ödəməyən müəllimlərlə əmək müqavilələrinə qanunvericiliyə uyğun olaraq xitam verilib.

Prosesin şəffaflığı ilə bağlı apellyasiya müraciətləri qəbul edilib, lakin təqdim olunan suallarda səhv və texniki nasazlıq qeydə alınmayıb.

Təkrar imtahana qatılan müəllimlərə əvvəlcədən təlimlər, vebinarlar və sınaq imtahanları keçirilib.

Gülnar Nazimqızı