Aktau qəzasının ekspertiziya nəticələri yaxın zamanlarda açıqlana bilər

Qaxaxıstanın Aktau şəhərində Azərbaycan Hava Yollarına (AZAL) məxsus təyyarənin qəzaya uğraması ilə bağlı aparılan ekspertiza nəticələrinin yaxın vaxtlarda açıqlanacağı gözlənilir. Bu barədə Baş Prokurorluğun İstintaq idarəsinin rəisi Nemət Əvəzov çərşənbə axşamı keçirilən mətbuat konfransında bildirib.

Əvəzovun sözlərinə görə, hadisə ilə bağlı 100-ə yaxın ekspertiza təyin olunub və təhqiqat işləri davam etdirilir.

“Bu yaxınlarda Azərbaycandan olan ekspertiza nümayəndələri Qazaxıstana ezam olunub, orada geniş müzakirələr aparılıb. Nəticələrin əldə olunması istiqamətində səylər davam etdirilir”, – o əlavə edib.

Əvəzov, ekspertiza nəticələrinin yaxın müddətdə açıqlanmasının mümkün olduğunu da istisna etməyib.

2024-cü ilin noyabrında Azərbaycan Hava Yollarına (AZAL) məxsus “ATR-72” tipli təyyarə Qazaxıstanın Aktau şəhərində qəza enişi edib. Hadisə nəticəsində 38 nəfər ölüb, 29 nəfər sağ qalıb. 

Aytac Zeynalova