Prezident COP29-nun nəticələrindən danışıb

Azərbaycanın iqlim təşəbbüsləri siyasi səbəblərə baxmayaraq davam etdirilib və əsas məsələ indi ABŞ administrasiyasının iqlim dəyişikliyinə qarşı atacağı növbəti addımlardır. Bunu Azərbaycan Prezidenti İlham Əliyev III Şuşa Qlobal Media Forumunda çıxışında deyib.

"Bu çətinliklər təşəbbüslərimizi dayandırmadı – bu, resurs və ya potensial çatışmazlığı ilə deyil, sırf siyasi səbəblərlə bağlı idi", – o bildirib.

O vurğulayıb ki, ABŞ-ı həmişə həm iqlim dəyişikliyinə tarixən ən çox töhfə verən ölkə, həm də iqlim həllərinə ən böyük potensial investor kimi görüb.

"Amma təəssüf ki, maliyyələşmə məsələsi çox vaxt yetərincə qiymətləndirilmir. Gələcək ABŞ siyasəti bu baxımdan həlledici olacaq", –  Əliyev əlavə edib.

Prezident qeyd edib ki, ölkəsi dünyada ən böyük emissiya yayan dövlətlərdən olmasa da, müxtəlif maraqlı tərəflər arasında əməkdaşlığın qurulması və qarşılıqlı anlayışın artırılması üçün səylər göstərir.

"Bizim bu yanaşmamız BMT və bir çox beynəlxalq tərəfdaşlar tərəfindən tanınıb və dəstəklənib", – o qeyd edib.

"Biz üzərimizə düşən rola sadiqik, lakin COP30 və əvvəlki sammitlərin nəticələrinə cavab yalnız bizim üzərimizə düşmür – məsuliyyətin ədalətli bölüşdürülməsi vacibdir", –  Azərbaycanın dövlət başçısı vurğulayıb.

Gülnar Nazimqızı