2025-in ilk yarısında ehtiyat fondlarından 19,6 milyon manat vəsait istifadə edilib

Azərbaycan 2025-ci ilin yanvar-iyun aylarında dövlət büdcəsində əvvəlcədən nəzərdə tutulmamış tədbir və xərclərin maliyyələşdirilməsi məqsədilə ehtiyat fondlarından ümumilikdə 19,6 milyon manat vəsait istifadə edib. Bu barədə Maliyyə Nazirliyindən bildirilib. 

12,4 milyon manat Azərbaycan Respublikası Prezidentinin ehtiyat fondundan, 7,2 milyon manat isə dövlət büdcəsinin ehtiyat fondundan ayrılıb.

Eyni zamanda altı ayda dövlət büdcəsinin dövlət əsaslı vəsait qoyuluşu xərcləri üzrə 868,1 milyon manat vəsait yönəldib. Bu, illik nəzərdə tutulmuş vəsaitin 32,3%-nə bərabərdir.

Xərclər sifarişçi təşkilatlar tərəfindən təqdim olunmuş layihələrə dair kassa sifariş sənədləri əsasında həyata keçirilib.

Aytac