Azərbaycanda pambıq lifi ixracı artıb

Azərbaycan 2025-ci ilin ilk yarısında 76 min tondan artıq pambıq lifi ixrac edib ki, bu da ötən ilin eyni dövrü ilə müqayisədə 9,4% artım deməkdir. Bu barədə Dövlət Gömrük Komitəsinin yaydığı məlumatda deyilir. 

Pambıq lifinin ixrac dəyəri 117,6 milyon manat təşkil edib ki, bu da əvvəlki ilin müvafiq dövrü ilə müqayisədə 17,3% çoxdur.

2024-cü ilin yanvar-iyun aylarında pambıq lifi ixracı 69,5 min ton, dəyəri isə 100,2 milyon manat olmuşdu.

İxrac həcminin artması ilə yanaşı, orta ixrac qiymətləri və texniki göstəricilərdə də müsbət dinamika müşahidə olunub.

Gülnar