SOCAR-ın iki vitse-prezidenti “Azər Türk Bank”ın rəhbərliyinə gətirilib

Dövlət Neft Şirkəti (SOCAR) “Azər Türk Bank”ın (ATB) rəhbərliyində mövqeyini gücləndirib. SOCAR-ın vitse-prezidentləri Əfqan İsayev və Zaur Qurbanov bankın Müşahidə Şurasına üzv təyin olunublar.

Bankdan APA-ya verilən məlumata görə, onlar bu vəzifədə Günel Nəbiyeva və Pərvin Manafovu əvəz ediblər.

Təyinatlar, SOCAR-ın 2024-cü ildə ATB-nin səhmlərinin əsas hissəsini əldə etməsi fonunda həyata keçirilib.

1995-ci ildə yaradılan “Azər Türk Bank”ın nizamnamə kapitalı 79 milyon manat təşkil edir.

Bankın səhmlərinin 75%-i dövlətə (SOCAR və Əmlak Məsələləri Dövlət Xidməti vasitəsilə), 12,37%-i “Ziraat Bank Azərbaycan”a, 1,08%-i “Ziraat Bank International”a, 6,55%-i “AzRe Təkrarsığorta” şirkətinə və 5%-i “Qala Həyat” sığorta şirkətinə məxsusdur.