2025-ci ilin birinci yarısında Energetika Nazirliyi və onun tabeli qurumlarına ümumilikdə 4 642 vətəndaş müraciəti daxil olub. Bu barədə məlumatı Nazirlik məlumat yayıb.
Müraciətlərin 759-u məlumat xarakterli, 3 883-ü isə icra tələbi ilə bağlı olub. Onlardan 3 591-i icra olunub, 292 müraciət isə baxılma mərhələsindədir.
Əsas müraciət mövzuları elektrik enerjisinə qoşulma, texniki şərtlər, enerji verilişində fasilələr, qazlaşma, borclar və cərimələr, sayğac problemləri, bərpa olunan enerji və kadr məsələləri ilə bağlı olub.
Hesabat dövründə Nazirlik və tabeli qurumların rəhbər şəxsləri tərəfindən 256 vətəndaş fərdi qaydada qəbul edilib və müraciətlərin araşdırılması üçün müvafiq göstərişlər verilib.
Foto 
Video 
