Qazaxıstanın Azərbaycana taxıl ixracı 121 dəfə artıb

Qazaxıstan Azərbaycana, İrana və bir sıra digər ölkələrə taxıl tədarükünü kəskin artırıb, deyə çərşənbə günü milli iqtisadiyyat naziri, baş nazirin müavini Serik Jumanqarin bildirib.

2024-cü ilin sentyabrından 2025-ci il avqustun 10-dək Azərbaycana ixrac 121 dəfə artaraq 728 min tona, İrana isə 16 dəfə artaraq 974 min tona çatıb, – o, brifinqdə deyib.

Eyni dövrdə Özbəkistana tədarük 34% artaraq 3,7 milyon ton, Tacikistana 47% artaraq 1,395 milyon ton, Əfqanıstana 52% artaraq 329 min ton, Qırğızıstana isə 2,1 dəfə artaraq 262 min ton olub.

“Qazaxıstan temir yolu”nun məlumatına görə, ümumi taxıl və un ixracı (taxıl ekvivalenti ilə) 12,6 milyon ton təşkil edib ki, bu da ötən ilin eyni dövrü ilə müqayisədə 33% çoxdur.

N.Təbrizli