Ağdərənin Vəngli kəndinə ilk köç yola salınıb

Ağdərə rayonunun Vəngli kəndinə ilkin mərhələdə kəndə 22 ailə  olmaqla 83 nəfər köçürülür. Bu barədə Qaçqınların və Məcburi Köçkünlərin İşləri üzrə Dövlət Komitəsindən bildirilib.

Bu mərhələdə Vəngli kəndində Kürdəmir rayonundan 12 ailə 43 nəfər, Bərdə rayonundan 3 ailə 12 nəfər, Qax rayonundan 2 ailə (9 nəfər), Füzuli rayonundan 1 ailə 6 nəfər, Sumqayıt şəhərindən 1 ailə 5 nəfər, Oğuz rayonundan 1 ailə 4 nəfər, Ağdam rayonundan 1 ailə 3 nəfər, Bakı şəhərindən 1 ailə 1 nəfər məskunlaşacaq.

Bununla Ağdərə rayonunun 5 yaşayış məntəqəsinə (Talış, Həsənriz, Suqovuşan, Kolatağ, Vəngli) 407 ailənin (1420 nəfər) köçürülməsi təmin olunacaq.

Bu il Qarabağa 40 min əhalinin köçürülüməsi nəzərdə tutulub. 

2026-ci il Böyük Qayıdış Proqramı çərçivəsində Qarabağa 130 min əhalinin köçürülüməsi planlaşdırılır. 

Aytac