Laçında traktor dərəyə aşıb, 1 nəfər ölüb

Laçının Soyuqbulaq kəndində baş vermiş yol-nəqliyyat hadisəsi nəticəsində bir nəfər həyatını itirib. Bu barədə Fövqəladə Hallar Nazirliyi (FHN) məlumat verib.

FHN-in "112" qaynar xəttinə daxil olan məlumata əsasən, "XCMG" markalı traktor dərəyə aşıb və bir nəfər nəqliyyat vasitəsində sıxılı vəziyyətdə qalıb.

Hadisə yerinə Nazirliyin xilasetmə qüvvələri cəlb olunub. Dövlət Yanğından Mühafizə Xidmətinin əməkdaşları tərəfindən aparılan əməliyyat nəticəsində sürücünün meyiti nəqliyyat vasitəsindən çıxarılaraq aidiyyəti üzrə təhvil verilib.

Faktla bağlı araşdırma aparılır.