Azərbaycan dünyada investisiya cəlbediciliyi üzrə 70-ci pillədədir

Bakıda keçirilən birinci Azərbaycan Beynəlxalq İnvestisiya Forumu bazar ertəsi 800-dən çox iştirakçını bir araya gətirib, onların 40%-i xarici ölkələrdən gəlib.  Bunu TEHA Group rəhbəri Valerio de Molli bildirib. 

Forumda iqtisadi perspektivlər və tərəfdaşlıq imkanları müzakirə olunur.

Tədbir Milan mərkəzli TEJA beyin mərkəzi və Yusif Abdullayarın rəhbərlik etdiyi Ax Promo şirkəti tərəfindən təşkil olunub. Pensilvaniya Universitetinin qiymətləndirməsinə görə, TEJA son on ildə İtaliyanın birinci, Avropanın isə dördüncü aparıcı beyin mərkəzi hesab edilir.

Forumun təşkilatçıları bildiriblər ki, Azərbaycan dünyada ərazi böyüklüyünə görə 113-cü, əhali sayına görə 88-ci yerdə olsa da, investisiya cəlbediciliyi üzrə 70-ci pillədədir və bir sıra göstəricilər üzrə iqtisadi dinamizm baxımından dünyanın ilk onluğunda qərarlaşıb.

“Bu beynəlxalq investisiya forumunun məqsədi yalnız regionda deyil, eyni zamanda qlobal miqyasda iqtisadi düşüncənin əsas mərkəzlərindən birinə çevrilməkdir,” — de Molli bildirib.

İki gün davam edəcək tədbirdə 100-dən çox spiker müxtəlif panellərdə və müzakirələrdə çıxış edəcək.

N.Təbrizli