İranda 5,3 bal gücündə zəlzələ baş verib, Tehran və Qumda da hiss olunub

Cümə günü axşam İranın mərkəzində yerləşən İsfahan əyalətində Rixter cədvəli üzrə 5,3 bal gücündə zəlzələ baş verib. Bu barədə Mehr xəbər agentliyi məlumat yayıb.

Zəlzələnin episentri yerin 10 kilometr dərinliyində, İsfahan vilayətinin Zavareh şəhəri yaxınlığında yerləşib. Yeraltı təkanlar Tehran və Qum daxil olmaqla ölkənin bir sıra bölgələrində, o cümlədən Dəmavənd, Absard, Kilan, Vəramin və Fəşam şəhərlərində də hiss olunub.

Zəlzələ yerli vaxtla gecə yarısı qeydə alınıb. Tələfat və dağıntılarla bağlı hələlik rəsmi məlumat verilməyib.

İlkin mərhələdə bəzi yerli media orqanları səhvən zəlzələnin episentrinin Tehranın Fəşam şəhəri olduğunu bildirsə də, daha sonra rəsmi mənbələr bunun İsfahanın Zavareh şəhəri olduğunu təsdiqləyiblər.

2003-cü ildə Bam şəhərində baş verən 6,6 bal gücündə zəlzələdə 26 min nəfər həlak olmuşdu.

Aytac