Gəncədə 11-ci sinif şagirdi bıçaqlanıb

Gəncə şəhərində iki yeniyetmə arasında yaranan mübahisə zamanı 16 yaşlı məktəbli bıçaqlanaraq qətlə yetirilib. Bu barədə Qafqazinfo məlumat yayıb. 

Hadisə Mahrasa bağı yaşayış massivində, 15 saylı uşaq bağçasının yaxınlığında baş verib. İlkin məlumatlara əsasən, 2009-cu il təvəllüdlü V.Rəfibəyli aldığı bıçaq xəsarətindən xəstəxanaya aparılarkən yolda dünyasını dəyişib.

Hadisə ilə bağlı Gəncə Şəhər Prokurorluğunda cinayət işi açılıb, hüquq-mühafizə orqanları qətli törədən şəxsin müəyyən edilməsi istiqamətində axtarış tədbirlərini davam etdirir.