Ağdamda abadlıq işlərinə 283 min manata yaxın vəsait xərclənəcək

Ağdam Rayon İcra Hakimiyyəti tərəfindən "Ağdam rayonu ərazisində abadlıq işlərinin görülməsi" ilə bağlı elan olunan satınalma müsabiqəsinin qalibi "BAK ODESS" Məhdud Məsuliyyətli Cəmiyyəti olub.

Dövlət satınalmaları portalında dərc olunmuş məlumata əsasən, qalib şirkətə 282.080,18 manat ödəniləcək.

Bu ilin noyabrında Ağdam şəhərinə ilk köçün həyata keçirilməsi planlaşdırılır.

Bir müddət öncə Azərbaycan 32 ildən sonra Bakı–Ağdam marşrutu üzrə sərnişin qatarlarının hərəkətini bərpa edib.

Ağdam 2020-ci ilin noyabrında işğaldan azad edilib. İkinci Qarabağ Müharibəsində ən çox zərər çəkmiş rayondur. Müharibəyə qədər Ağdamda 143 min insan yaşayıb.

Prezidentin sərəncamı ilə imzalanan Qarabağa qayıdış proqramı çərçivısində 2026-ci ilə kimi 20 min nəfərin Ağdama köçürülməsi nəzərdə tutulub.

Gülnar