ABŞ-nin Kolumbiyadakı səfirliyinə hücum edilib, xəsarət alanlar var

Kolumbiyanın paytaxtı Boqotada etirazçılar ABŞ səfirliyinə hücum edərək, 4 polisi partlayıcı və yandırıcı vasitələrdən istifadə edərək yaralayıblar.Bu barədə şəhər meri Karlos Fernando Qalan "X" sosial şəbəkəsində paylaşım edib.

"Mən polisə ABŞ səfirliyi yaxınlığında, bəziləri kapüşonlu olan cinayətkarların yanğın törədən cihazlar, partlayıcı maddələr və oxlardan istifadə edərək səfirliyə hücum etdiyi vəziyyətə müdaxilə etməyi tapşırdım. Dörd polis əməkdaşı üz, ayaq və qol nahiyələrindən yaralanıb", - deyə şəhər rəhbəri yazıb.

Ölkə Prezidenti Qustavo Petro ABŞ diplomatik missiyasına maksimum mühafizənin təmin edilməsi üçün göstəriş verdiyini qeyd edib.

"Mən söz verdiyim kimi, səfirlik mühafizə olundu. Kolumbiya beynəlxalq müqavilələrə əməl edir", - ölkə liderinin bəyanatında deyilir.